Dronët rusë në hapësirën ajrore polake/ Begaj: Shqipëria dënon shkeljen e hapësirës ajrore nga Rusia!

19:25 | 10 Shtator 2025
E.G

Presidenti i Republikës së Shqipërisë, Bajram Begaj ka reaguar pas shkeljes së hapësirën ajrore të Polonisë nga dronët rusë duke shprehur mbështetje të plotë për këtë vend aleat, ndërsa dënoi veprimet e Rusisë.

Begaj theksoi rëndësinë e unitetit dhe solidaritetit brenda Aleancës përballë sfidave të sigurisë në Evropë.

Në një postim në rrjetet sociale, kreu i shtetit deklaroi:

“Shqipëria dënon shkeljen e hapësirës ajrore të Polonisë nga Rusia. Shprehim solidaritet të plotë me Poloninë dhe përshëndesim reagimin e saj, në bashkëpunim me NATO-n, për të parandaluar përshkallëzimin. Shqipëria mbetet e përkushtuar ndaj unitetit të Aleancës dhe garantimit të mbrojtjes kolektive të të gjithë aleatëve.”, ka shkruar ai.